Għal ħafna snin issa ħafna mill-parroċċi Maltin kienu għaddejjin minn bidla kbira. Fi żmienna r-residenti anzjani li jgħixu fil-qalba tar-raħal huma f’minoranza, filwaqt li mijiet ta’ familji, biex ma ngħidux eluf, bdew u għadhom qegħdin jitfgħu l-ankri fil-limiti ta’ dawn l-istess irħula li għadhom qegħdin jiżviluppaw. Il-bini f’dawn l-akwati fil-periferi tar-raħal, tant kiber u tferrex li saħansitra daħal fuq it-trufijiet ta’ rħula oħra.